Łacinka ŭ Linuksie - amal poŭny pierakład systemy!

Siońnia źjaviłasia novaje vydańnie rabočaha asiarodździa GNOME dla svabodnych Uniks-systemaŭ (Linux, *BSD dy inšych) - GNOME 2.22. Supołka pierakładčykaŭ ciažka pracavała, kab u hetaj versii asiarodździa jašče bolej prahramaŭ razmaŭlali z karystalnikam biełaruskaj łacinkaj. Plonam hetaj pracy stalisia 74% pierakładzienaha interfejsu hetaha asiarodździa. Email, browser, muzyka, filmy, IDE dla prahrameraŭ, rabota z dakumentami, kamunikacyi praz Jabber, ICQ dy inšyja pratakoły - usio heta ŭžo siońnia možna rabić ź biełaruskim interfejsam. Akramia ŭsiaho, heta pieršaje vydańnie GNOME, dla jakoha naroŭni ź inšymi suśvietnymi movami biełaruskaja łacinka maje "rodny" press-release, jaki možna znajści tut.
Supołka pierakładčykaŭ vykazvaje padziaku supolnaści svabodnych prahramaŭ, bieź jakoj biełarusam treba było b čakać jašče 100 hadoŭ da "pryšeścia Majsieja" (Microsoft) na našu ziamlu.
Vydańnie biełaruskaha łacinkavaha pierakładu padrychtavana Zołakam dy booxteram (mnoju).

Karystajmasia svaim, kab nia ŭmiorli!

2 comments

an_anklav

March 13 2008, 07:30:15 UTC 15 years ago

Dziakuj za pierakład :) Pasprabuju siabie postavić.

U čym asnoŭnyja ciažkaści perakładu? Ci jość u vas nijkaj padrtymka movaznaŭcaŭ?

ex_biespart

March 13 2008, 07:57:12 UTC 15 years ago

Jość kantakt z Šupam, Sańko. Praŭda, na ŭzroŭni asobnych kansultacyjaŭ. Vyčytkaj jany, viadoma, nie zajmajucca. Tamu, ličycie, našymi movaznaŭcami jość Stankievič dy Losik dy inšyja znaŭcy:)
Ciažkaści pierakładu - u tym, što heta vymahaje niamała času: zrabić, pravieryć, aktualizoŭvać... Ludziej, prahnych dziejnaści, nie staje. Zrešty, zvykłaja sytuacyja, ničoha novaha. A kamputarny pierakład - usio ž mechanistyčnaja praca, tut nia treba šukać hožaha słova dla pieradačy hłybokaj dumki aŭtara:)
Nakont taho, jak uklučyć naš pierakład, ja navat z paru dzion tamu napisaŭ manual dla Ubuntu 7.10. Karystajciesia na zdaroŭječka: http://booxter.blogspot.com/2008/03/ukluajem-acinkavy-interfejs-ubuntu-710.html